Dalin pamjet e aksidentin në Kamëz, autobusi mori… - Bota Sot
Dalin pamjet e aksidentin në Kamëz, autobusi mori…

Shqipëria

Dalin pamjet e aksidentin në Kamëz, autobusi mori…

Më: 21 tetor 2018 Në ora: 11:34
Pamje nga aksidenti

Vijnë të tjera pamje dhe zbardhen të tjera detaje nga aksidenti i mëngjesit të sotëm në Kamëz, kur një autobus urban doli jashtë kontrollit dhe u përplas më një ndërtesë, duke lënë një person të plagosur. Por fatmirësisht ngjarja që mund të kishte qenë edhe më e rëndë, ka përfunduar me dëme materiale dhe një të plagosur jashtë rrezikut për jetën.

Dëshmitarët kanë treguar për “BalkanWeb” momentet e tmerrit kur autobusi pa kontroll lëvizte në trotuar. Panik, kaos dhe një të plagosur ka shkaktuar aksidenti i ndodhur mëngjesin e sotëm në Kamëz.

Sipas të dhënave të mbledhura nga vendi i ngjarjes, mësohet se urbani ishte i parkuar në stacion pas një tjetër autobusi. Sapo urbani në radhë është larguar, shoferi ka ndezur motorin e autobusit por aty çdo gjë ka dalë jashtë kontrollit.

Autobusi ka marrë superxhiro dhe shoferi për të shmangur një tragjedi e ka kthyer timonin nga trotuari duke u përplasur më murin e disa bizneseve që ndodheshin aty. Një djalë i ri që ndodhej me të atin në trotuar ka mbetur i plagosur.

Por dëshmitarët thonë se nëse nuk do të kishte qenë për manovrimin e shoferit, aksidenti do kishte pasur pasoja fatale. “BalkanWeb” sjell pamje të filmuara pak minuta pas aksidentit në qendër të Kamzës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...