Pse u kontrollua banesa e Lul Berishës? - Bota Sot
Pse u kontrollua banesa e Lul Berishës?

Shqipëria

Pse u kontrollua banesa e Lul Berishës?

Më: 23 tetor 2018 Në ora: 00:28
Klodiana Lala

Gazetarja investigative, Klodiana Lala, ka zbardhur detaje nga operacioni i policisë në fundjavë, ku u arrestuan 26 persona, disa prej tyre pjesë të grupeve të strukturuara kriminale.

Duke folur nga studio e emisionit “Opionion”, Lala ka treguar shkakun e kontrollit në banesën e ish-kapos së bandës së Durrësit, Lulzim Berisha.

Sipas Lalës kishte dyshime që në banesën e Berishës fshihej një sasi heroine, dhe se ky i fundit ndihmonte grupin kriminal të Avdylajve, për transportin e drogës drejt Gjermanisë.

Më tej gazetarja ka shtuar se ndaj Berishës nuk është lëshuar urdhër arresti, pasi banesa ka qenë e pastër.

“Kishte dyshime që në fakt rezultuan të pakonfirmuara që Berisha mund të fshihte sasi heroine në banesën e tij dhe ndihmonte grupin e Avdylajve në transportimin e heroinës. Familjarët i kanë thënë policisë, se Lulzim Berisha është larguar prej një muaji e gjysëm jashtë Shqipërisë. Shtëpia ka qenë e pastër dhe prandaj nuk ka urdhër arresti”, tha Lala.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...