“Të dënuarit marrin leje nga burgu e kryejnë vrasje me pagesë”

Shqipëria

“Të dënuarit marrin leje nga burgu e kryejnë vrasje me pagesë”

Më: 23 tetor 2018 Në ora: 22:47
Foto ilustrim

Në emisionin e sotëm “Dritare” në News24, u diskutua për arrestimet e bëra së fundmi nga policia.

Gazetari Xhevahir Zhabina deklaroi përgjatë diskutimit se shumica e të burgosurve marrin një ditë leje, por ata janë vrasës me pagesë dhe persona me precedent të theksuar penalë.

“Por ka dhe kriminelë të cilët vrasjet i kryejnë brenda vendit por në sistemin TIMS rezultojnë të jenë jashtë vendit,” tha Zhabina.

Më herët Zhabina u ndal tek një dosje e vitit 2016, ku flitet për faktin se kryebashkiaku i Durrësit, Vangjush Dako është përgjuar. Ai theksoi se kjo dosje është në dorë të Krimeve të Rënda, ndërkohë nuk dihet ende nëse Dako implikohet në veprimtari të paligjshme.

“Ky është procedim i vitit 2016. Në këtë përgjim ka dalë edhe numri i telefonit të kryetarit të Bashkisë së Durrësit. Ka një procedim të ndarë ku janë të përfshirë zyrtarë, por nuk ka hetim konkret për Dakon. Është një dosje tjetër që e ka Krimet e Rënda. S’mund ta ketë media. Ajo çka del në media janë copëza informacioni. Ndoshta në ditë në vijim thonë se do ketë operacione të tjera, nuk e dimë nëse do jenë për këtë dosje. Do përqendrohen në Shkodër dhe Durrës”, tha ai. / BW

commentFirst article
Sot mund të lexoni Shfletoni kopertinat