Të shtunën e 3 Nëntorit përfundon afati kushtetues që presidenti Ilir Meta ka për të dekretuar të propozuarin nga kryeministri Edi Rama për postin e ministrit të Brendshëm.
Deri tani presidenti i cili ka firmosur shkarkimin e Fatmir Xhafaj ende nuk është shprehur me dekret për Sandër Lleshin.
Neni 93 i Kushtetutës nuk i lë hapësirë presidentit për një rrëzim të propozimit të kryeministrit, pasi përcakton vetëm afatin 7 ditor që kreu i shtetit ka për të dekretuar emërimin apo shkarkimi e ministrit.
Burime nga presidenca thonë se Meta është në pritje të përgjigjes së institucioneve që provojnë pastërtinë e figurës së ministrit të propozuar apo ndonjë konflikti të mundshëm interesi me kriteret që përcaktohen në nenin 103 të Kushtetutës.
