A do ta dekretojë Meta Ministrin e ri të Brendshmë Lleshi?! Flet për herë të parë Presidenti - Bota Sot
A do ta dekretojë Meta Ministrin e ri të Brendshmë Lleshi?! Flet për herë të parë Presidenti

Shqipëria

A do ta dekretojë Meta Ministrin e ri të Brendshmë Lleshi?! Flet për herë të parë Presidenti

Më: 2 nëntor 2018 Në ora: 20:29
Presidenti Ilir Meta

Presidenti Ilir Meta është i ftuar mbrëmjen e sotme në studion e syri në emisionin ‘FAKT’ përballë gazetarit Çim Peka.

I pyetur në lidhje me vendimin e presidentit për të dekretuar Sandër Lleshin si ministër të ri të Brendshëm, Presidenti është shprehur se do të marrë kohën e duhur.

“Do gjej kohën e duhur, për të marrë vendimin e duhur.

Presidenti ka për detyrë për të ushtruar të gjitha detyrimet kushtetuese për çdo propozim që i bëhet.

Nuk mund të hedh firmë për dekrete formale e aq më tepër për një detyrë të tillë që në momentin aktual, kërkon përgjegjshmëri.

Di të marr vendimet e mua, pa u ndikuar nga askush, as nga orët dhe sekondat.

Kushtetuta është shumë e qartë, presidenti ka përgjegjësi për çdo firmë që hedh.

Ua kam thënë të qartë kam bërë punën time institucionale, kam bërë përpjekjet e mia, kam qenë mjaft bashkëpunues me institucionet dhe personat e interesuar për këtë çështja, dhe unë i marr vendimet e mia pa i ndikuar nga askush.

Më duket se Kushtetuta është shumë e qartë, presidenti ka përgjegjësi për çdo firmë që hedh.

Nëse do të kishte firmë unë atë nuk do ta lija për ta shpallur në studion tua, do ta kisha bërë atë publike’, tha presidenti Ilir Meta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...