Rama: Pastruam shkollat, jo më mësues që vetëm marrin rrogën - Bota Sot
Rama: Pastruam shkollat, jo më mësues që vetëm marrin rrogën

Shqipëria

Rama: Pastruam shkollat, jo më mësues që vetëm marrin rrogën

Më: 5 nëntor 2018 Në ora: 21:46
Edi Rama

Në takimin me maturantë të “Sami Frashërit, në kuadër të reformës në gjimnaze kryeministri Edi Rama tha se epoka e mësuesve të cilët qëndronin në një vend pune dhe merrnin rroge pa arsimin përkatës apo jepnin mësim jashtë profilit të tyre ka marrë fund.

“Se di a ka më mësues si një mësuese që i thoshte nxënësve kush janë vëllezërit Frashëri, dhe përgjigjej vetë Sami Frashëri dhe Ismail Qemali. Apo një mësues tjetër që iu thoshte nxënësve që Ismail Kadare ka ngritur Flamurin e Pavarësisë në Vlorë. Deri përpara pak vitesh të tillë ishin mbi 5 mijë”, u shpreh Rama.

Si meritë të reformës në arsim, Edi Rama përmendi pastrimin e gjuhës shqipe nga gabimet.

“Ne ja dolëm të fshijmë një mal me tekste të gabuara që rëndonte mbi kurrizin e nxënësve dhe që përcaktonte mbrapsht të ardhmen e tyre…sot, në vend të mijëra librave të llojllojshëm të kopjuar keq, përkthyer mbrapsht dhe të imponuar, ne kemi librat e Oxford-it, Cambrige dhe Pearson, zgjedhje e nxënësve tanë u japin nxënësve mundësinë të shkollohen me libra si të gjithë bashkëmoshatarët e tyre në vendet e zhvilluara europiane”, tha kryeministri.

Kryeministri siguroi maturantet se falë reformës në arsim, në Universitet do të shkojnë falë meritës dhe jo njohjeve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...