Deputetja demokrate, Dhurata Çupi, e ka cilësuar një akt barbar të qeverisë Rama heqjen e Shqiponjës nga sheshi "Shqiponja".
E ftuar në Ora News, Çupi tha se qytetarët nuk do ja falin Ramës heqjen e këtij simboli.
Çupi: Simboli i Shqiponjës është një akt barabar i kësaj qeverie me shumë dhimbje e them këtë. Ka qenë një ceremoni e jashtëzakonshme në 100 vjetorin e Pavarësisë, ka qenë një sponsorizim i shqiptarëve jashtë vendit të cilët e donin vendin dhe në 100 vjetorin e sponsorizuan atë Shqiponjë.
Të gjithë kemi pasur sensibilitetin pozitiv kur e shikonim ndërsa vinim apo dilnim nga Tirana, ka qenë një simbol i jashtëzakonshëm. Në këtë sens them se është një akt barbar dhe qytetarët nuk do t'ia falin kësaj qeverisje dhe nuk duhet t'ia falin në fakt kësaj qeverisje.
Sakaq duke folur për projektin e Unazës së Madhe dhe protestën e banorëve të zonës së "Astirit" që rrezikojnë shtëpitë nga ky projekt, Çupi thotë se qeveria në shkelje flagrante po u merr pronën dhe i ka lënë qëllimisht shumicën prej tyre të palegalizuara.
Çupi: Ka një projekt jo transparent, jo i miratuar sipas procedurave ligjore, pa iu bërë i ditur qytetarëve.Nuk ka vendim qeverie për shpronësimin e këtyre qytetarëve. Projekti është ndryshuar nga projekti bazë.Janë 361 banesa nga të cilat 160 janë të legalizuara. Pse janë kryer legalizimet në mënyrë selektive? Vetë PD në vitin 2005-2006 ka miratuar ligjin për legalizimet.Pas miratimit të ligjit dhe fillimin e procedurave ligjore këta qytetarë kanë kryer pagesat për legalizim.
Atëherë pse këta qytetarë nuk janë pajisur me certifikatë pronësie gjatë gjithë kësaj periudhe, ndërkohë që pagesa e faturës për legalizimet është kryer? Këta banorë e kanë ndërtuar vetë banesën e tyre e kanë gëzuar në mënyrë të vazhdueshme për 25 vite dhe nuk bëhen pronarë të pronës së tyre. Kjo është një sjellje e jashtëzakonshme e kësaj qeverie.
Lidhur me PPP, Çupi tha se koncesionet janë gangrena e vendit