Presidenti Ilir Meta ka deklaruar sot nuk e ka numrin e celularit të Kryeministrit Edi Rama dhe se komunikimi mes tyre kryhet me anë të protokollit.
Përgjigja e Kreut të Shtetit erdhi pas ndërhyrjes së gazetares Eni Vasili, e cila solli në vëmendje intervistën e kryeministrit Rama ku gazetari Nikoll Lesi i rekomandoi kryeministrit te merrte numrin e ish-kryeministrit maqedonas të arratisur, Nikolla Gruevski. Me humor kryeministri u përgjigj se numrin e Gruevskit do e merrte te Presidenti.
Këtyre batutave Presidenti Ilir Meta ju përgjigj: “As numrin e Gruevskit nuk e kam, por as të Ramës nuk e kam se komunikojmë nëpërmjet kabineteve”.
