Ilir Meta tregon arsyen përse vonoi dekretimin e Lleshajt - Bota Sot
Ilir Meta tregon arsyen përse vonoi dekretimin e Lleshajt

Shqipëria

Ilir Meta tregon arsyen përse vonoi dekretimin e Lleshajt

Më: 16 nëntor 2018 Në ora: 23:31
Ilir Meta

Dekretimi i Sandër Lleshajt, si Ministër i Brendshëm ka qenë tema më e diskutuar e javëve të fundit. Vetëm pak orë më parë Presidenti i Republikës, Ilir Meta ka firmosur dekretimin e Lleshajt në krye të Ministrisë së Brendshme.

Gjatë ditës së sotme, Meta dekretoi nxjerrjen në lirim të oficerit me gradë madhore, Gjeneral Brigade Sandër Lleshaj, duke i hapur rrugën dekretimit të tij në postin e Ministrit.

I ftuar sot në emisionin “Zonë e Lirë”, në Tv Klan, Meta tha se ishte pikërisht statusi i tij si ushtarak aktiv që e detyronte të mos e dekretonte si Ministër, për shkak të kufizimeve që Kushtetuta ka për këtë kategori.

Arian Çani: Pse e dekretove pikërisht tani Sandër Lleshajn, ka lidhje me Vitore Tushën?

Ilir Meta: Jo zero lidhje.

Arian Çani: Atëherë përse nuk e dekretove që në momentin e parë, por e dekretove në momentin e dytë?

Ilir Meta: Sepse dje në këtë kohë kam gjetur shkresën zyrtare të Ministres së Mbrojtjes, e cila duhet që në përputhje me Kushtetutën dhe ligjet e Shqipërisë të bënte propozimin për lirimin nga shërbimi aktiv të gjeneralit.

Arian Çani:Pra vetëm kjo është arsyeja?

Ilir Meta:Është arsye Kushtetuese.

Arian Çani: Nuk mund të bëhej kjo që në dekretin e parë.

Ilir Meta: Nëse do të ma kishin sjellë, patjetër që do të ishte bërë.

Arian Çani: Dakort, është kaq e thjeshtë, nuk ka arsye tjetër thua ti. Është e pabesueshme.

Ilir Meta: Nuk është arsye e vogël, është arsye kushtetuese.

Arian Çani: Ata që janë skeptikë thonë: Ç’të keqe ka, ti mund ta dekretoje si ministër dhe ta ç’dekretoje më pas si gjeneral.

Ilir Meta: Ata e diskutojnë si muhabet, unë nuk mund ta diskutoj kështu.

Arian Çani: Ata përdorin këtë argument: Vitorja a është anëtare e Gjykatës Kushtetuese? Pse parlamenti nuk kërkon që ajo të ikë një herë? Parlamenti e miraton në fillim.

Ilir Meta: Dekreti për Lleshajn është dekret emërimi. Dekreti për Tushën është dekret propozimi nga Presidenti për parlamentin. Është e qartë që jemi vend demokratik që janë të ndara pushteti civil nga ai ushtarak.

Arian Çani: Jemi vend teorikisht demokratik.

Ilir Meta: Jo jemi tërësisht demokratik, derisa unë vij këtu dhe ju më bëni pyetje të poshtra. Një dekret nga presidenti pa dekretin e mëparshëm për lirimin nga shërbimi aktiv do të ishte shkelje e Kushtetutës mbi të cilin ngrihet Republika e Shqipërisë. Kjo është arsye parimore dhe kushtetuese.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...