Ish kryeministri Sali Berisha ka bërë një deklaratë të fortë këtë mbrëmje duke u shprehur se opozita zotëron fakte e dokumenta për lidhje të drejtpërdrejta të Ministrave të qeverisë me bandat dhe grupet kriminale.
I ftuar në emisionin 5 pyetje nga Babaramo në Report tv, Berisha deklaroi se arkivi është i “pasur” dhe përfshin gjithashtu dhe fakte për lidhjet e vëllait të kryeministri Rama, me bandën e goditur tashmë të Xibrakës, ku vite më parë u zbulua laboratori i famshëm i kokainës.
Berisha: Opozita zotëron fakte e dokumenta, nuk jam në gjendje të them sa ka, por di të them se ajo disponon një arkiv të pasur të veprimtarisë kriminale të asaj që quhet organizata kriminale e Rilindjes...
-Të kujt?
Berisha: Të Minstrave me botën e krimit, të Olsi Ramës me kriminelët.
-Edhe vëllai i kryeministrt
Berisha: Ka të dhëna objektive, dokumenta, që të paktën 6 herë ka kaluar kufirin me makinën e drogës të grupit të Xibrakës.
-E zotëron opozita këtë dokument
Berisha: Plotësisht
-Ju nuk jeni mbase personi që i keni këto dokumenta, por i ka shefi de jure i opozitës, por përse nuk i keni publikuar.
Berisha: Opozita ndjek një strategji në demaskimin e kësaj kriminale që quhet rilidnje. Organizata kriminale më e fuqishme në Evropë dhe ndër më të fuqishme në Botë... sepse është pushteti. Nuk ka asnjë vend në botë që shtetin ta ketë kthyer në organizatë kriminale.