Protesta e banorëve të “Astirit” nuk ka kaluar pa u vënë re edhe nga mediat e huaja, të cilat i bënë jehonë asaj çfarë ndodhi ditën e sotme para Parlamentit.
Ata theksuan faktin se protesta u përshkallëzua, e nga konfrontimet pati efektivë dhe protestues të plagosur, por edhe të shoqëruar në polici.
Mediat ndërkombëtare shkruajnë se; Qindra protestues shqiptarë janë përplasur me policinë, ndërsa ata u përpoqën të futeshin brenda në Parlament, ata protestuan kundër një vendimi qeveritar për prishjen e banesave të tyre dhe ndërtimin e një rruge të re. Ndërsa Kryeministri Edi Rama, vijojnë më tej mediat prestigjioze, u bëri thirrje protestuesve “të marrin atë që ju jep ligji dhe të largohen nga rruga”.
Ndër mediat që pasqyruan protestën e banorëve të “Astirit” ishin: “The Washington Post”, “NY times”, “AP News Agency”, “ABC News”, “Daily Mail”.
