Meta: Jo amnisti për dhunuesit - Bota Sot
Meta: Jo amnisti për dhunuesit

Shqipëria

Meta: Jo amnisti për dhunuesit

Më: 26 nëntor 2018 Në ora: 08:31
Ilir Meta

Presidenca është ngjyrosur portokalli mbrëmjen e sotme dhe arsyeja është shumë e fortë.  Njoftimin e ka bërë me hërët Presidenti Ilir Meta në një status në “Facebook”, ku jep një mesazh kundër dhunës ndaj grave dhe vajzave.

Në ditën Ndërkombëtare për Eliminimin e Dhunës ndaj grave dhe vajzave Meta thotë se dhuna ndaj tyre nuk është burrëri por dobësi. Për këtë arsye Presidenca i bashkohet fushatës botërore “Ta ngjyrosim botën portokalli”, ndërsa Meta deklaron i prerë se nuk do të amnistojë në fundvit asnjë të dënuar për dhunë në familje.

“Dhuna fizike e verbale ndaj grave dhe vajzave është dobësi! Nuk është burrëri! Është një plagë e shenjë turpi për shoqërinë, një pengesë e madhe për zhvillimin gjithëpërfshirës, të barabartë dhe të qëndrueshëm.

Në Ditën Ndërkombëtare për Eliminimin e Dhunës ndaj Grave dhe Vajzave i bashkohem fushatës botërore “Ta ngjyrosim botën portokalli” duke i dhënë sot në mbrëmje këtë ngjyrë Institucionit të Presidencës.

Përsëris qëndrimin tim të palëkundur për të mos amnistuar asnjë të dënuar për vepra penale të dhunës në familje”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...