"Ekonominë" e drejton Anastas Angjeli, Braçe përplaset me Ahmetajn

Shqipëria

"Ekonominë" e drejton Anastas Angjeli, Braçe përplaset me Ahmetajn

Më: 27 nëntor 2018 Në ora: 23:16
Komisioni Parlamentar i Ekonomisë

Buxheti dhe Paketa Fiskale u miratuan nen për nen në Komisionin Parlamentar të Ekonomisë por debatet brenda mazhorancës nuk u evituan. Tregues i mosmarrëveshjes brenda të majtës ishte nisja me 40 minuta vonesë e komisionit por edhe drejtimi i tij nga sekretari Anastas Angjeli gje që opozita e cilësoi shkelje te rregullores.

Kryetari Erion Braçe mbërriti me vonesë ndërsa votoi kundër disa neneve të Paketës Fiskale.

Ndryshe nga seanca e mëparshme, deputetët e mazhorancës u tërhoqën nga propozimi për rritjen e kufirit të pagës së patatueshme nga 30 në 40 mijë lekë në muaj.

Vetë Erion Brace shprehu kundërshtim për ndryshimin e dividentit.

Debatet nuk munguan as gjatë diskutimit për buxhetin. Fondi për Ministrinë e Bujqësisë, Gardës së Republikës, Drejtorisë së Burgjeve, Ministrisë së Diasporës por edhe Rtsh-së, përplasen ne komision deputetin Braçe dhe Ministrin Ahmetaj.

Brace: Argjinaturat janë goditur po prap në mars-prill të këtij viti. Nuk janë goditur njëherë, por 4 herë brenda 4 mujave. Dua ta thëm këtë dhe të mbetet e regjistrua, se ditën kur larg qoftë të ndodhë dicka, atë ditë unë do kërkoj përgjegjësi penale.

Ahmetaj: Në ministrinë e Bujqësisë ka kërkuar tek projekti i BB për kullimin.

Brace: Për argjinaturat në atë projekt të BB nuk ka asnjë qindarkë.

Debati u reflektua me disa ndryshime në buxhet dhe shtim të fondit për disa institucione. Buxheti dhe Paketa fiskale priten të kalojnë për miratim në kuvend të hënën e 3 dhjetorit.

commentFirst article
Sot mund të lexoni Shfletoni kopertinat