Mesazhi i Metës për Krishtlindjet: 2019 ta gjejë Shqipërinë me negociata të hapura me BE-në - Bota Sot
Mesazhi i Metës për Krishtlindjet: 2019 ta gjejë Shqipërinë me negociata të hapura me BE-në

Shqipëria

Mesazhi i Metës për Krishtlindjet: 2019 ta gjejë Shqipërinë me negociata të hapura me BE-në

Më: 25 dhjetor 2018 Në ora: 14:43
Ilir Meta

Presidenti Ilir Meta ka uruar të gjithë besimtarët për ditën e Krishtlidnjeve me mesazhin se shpreson që në 25 dhjetorin e vitit të ardhshëm, Shqipëria të ketë hapur negociatat me Bashkimin Evropian.

Meta bëri thirrje që klasa politike të bashkëpunojë duke marrë shembull këtë ditë feste e cila sipas tij i shton të gjithëve mençurinë dhe urtësinë.

Meta: Është një ditë që na fton të gjithëve të shtojmë urtësinë dhe mençurinë që Krishtlindjet e tjera të na gjejnë jo vetëm më të gëzuar dhe më të bashkuar, por edhe të na gjejnë me negociata të çelura për anëtarësimin në BE.

Një mesazh Kreu i Shtetit e ka drejtuar dhe në ndihmë të atyre personave që janë në nevojë.

Meta: Le të mendojmë më shumë për të gjithë ata që janë në vështirësi të mos i lemë të vetëm dhe tu japim dorën për një rrugë të gjatë të përbashkët në mënyrë që shoqëria jonë të jetë gjithnjë e më e plotë dhe më shpresëdhënëse sidomos për të rinjtë dhe të gjithë fëmijët e Shqipërisë që meritojnë një të ardhme si gjithë bashkëmoshatarët e tyre.

Presidenti gjithashtu ka treguar se ai personalisht ka marrë një dhuratë nga vajza e tij e vogël dhe se ka ndërmend që vetë të dërgojë dhurata për të pamundurit.

Meta: Unë kam marrë dy dhurata, një nga goca e vogël, por mendoj të bëjmë më shumë dhurata jashtë familjes.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera