Kryetari i Grupit Parlamentar të Partisë Socialiste, Taulant Balla ka komentuar largimin e Kancelares Angela Merkel nga drejtimi i CDU pas 18 vitesh.
Nëpërmjet një postimi në rrjetet sociale, Balla deklaron se shqiptarët i janë mirënjohës zonjës Merkel, si kancelarja që inicioi në vitin 2014 Procesin e Berlinit për vendet e Ballkanit Perëndimor, duke shtuar se kjo e fundit ishte një mbështetje e fuqishme për aspiratën e Shqipërisë për integrimin Europian.
“DANKE ANGELA MERKEL!
Angela Merkel largohet nga drejtimi i CDU pas 18 vitesh, ndër të cilat 13 vite e në vazhdim Kancelare e Gjermanisë. Prej sot drejtimin e CDU e mori Annegret Kramp-Karrenbauer. Ne shqiptarët i jemi mirënjohës zonjës Merkel si kancelarja që inicioi në vitin 2014 Procesin e Berlinit për vendet e Ballkanit Perëndimor dhe që mbështet fuqimisht aspiratën tonë për integrim Europian”, shkruan Balla.
