Teksa Rama fliste nga zyra e tij në kryeministri për nevojën e dialogut, mijëra studentë protestues e kanë dhënë përgjigje e tyre në sheshin e krijuar përballë Ministrit së Arsimit. Pankartat e tyre kanë dhënë mesazhe të qarta për qeverinë, se të rinjtë nuk kërkojnë dialog por vetëm zgjidhjen e pakushtëzuar të kërkesave të tyre.
Në protestë nuk ka munguar dhe flamuri shqiptar si dhe ironitë e shumta kundër qeverisë
“Nuk bie rrufeja në hale”, “Shih tarifa, tarifën dhe rritet…”, “Sa e keni kilen e kreditit” dhe shumë mesazhe të tjera të ngjashme, janë një përgjigje pa zë e dhënë ngkëtë të hënë nga studentët, të cilët zhvillojnë ditën e 6 të protestës.
Studentët kanë paralajmëruar se do të presin zgjidhjen e kërkesave të tyre deri të martën, përndryshe do të hyjnë në grevë urie.