Ish-zëvendës ministri i Arsimit Taulant Muka gjatë një komunikimi live në rrjetet sociale ka bërë një deklaratë bombë.
Muka tha se edhe kryetarja e LSI-së, Monika Kryemadhi e ka diplomën plagjiaturë.
“Supervizori i dokutoraturës së Mimi Kodhelit ka qenë Dhori Kule. Ai duhet të mbajë përgjegjësi njësoj. Edhe Monika Kryemadhi e ka diplomën me plagjiaturë. Edhe në rastin e saj supervizori ka qenë, po prapë Dhori Kule”, – vazhdoi Muka.
Më pas një mik i ish-zëvëndës ministrit në një lidhje në “Skype” me të ka zbuluar se Kryemadhi ka kopjuar dy kapituj nga një libër dhe se nuk e ka cituar fare autorin në punimin e saj.
“Ka marrë dy kapituj nga një libër. I ka kopjuar fjalë për fjalë dhe nuk e ka cituar fare”, – ka treguar miku i Mukës.
