Prej paradites së sotme ishte paralajmëruar një ballafaqim i kryeministrit Rama me studentët në emisionin “Top Show”, ku këto të fundit do të flisnin për protestën dhe kërkesat e tyre.
Studentët paralajmëruan nëpërmjet një deklarate se asnjë nga ata që do të ishin përballë kryeministrit në emisionin televiziv dhe nuk do të ishin protestues, sepse nuk e kishin pranuar një ftesë të tillë.
Dhe në fakt ashtu rezultoi, duket se kryeministri është përballë përkrahësve të tij apo anëtarëve të FRESH-it.
Një nga studentët e supozuar që i drejtoi pyetje kryeministrit është Mario Hysnelliu.
“Unë jam Mario Hysnelliu, student Arkitekture, fakulteti Inxhinieri-Ndërtimi”, u prezantua i riu, por në fakt rezulton se ai është pedagog tek Fakulteti Inxhinieri-Ndërtimit dhe punon në ministri dhe studimet i ka përfunduar në një universitet privat.
Ndërkohë që ai u prezantua si student dhe se kishte qenë pjesë e protestës.
