Shumë herë thonë se skijimi është nga sportet që i përforcon shumë sportistët për t’u përgatitur edhe për garat, si bie fjala hendbolli. Trajneret e hendbollit Vlora Jashari dhe Blerta Tërpeza, shprehen se skijimi është sport që iu fle në zemër, por shumë herë edhe i mbush kondicion.
“Skijimi shumë herë e shohim si armë të fortë që të mbushemi kondicion dhe për të qenë në nivel në prag të përgatitjeve, që presim t’i nisim me ekipin e Kastriotit në fund të janarit apo fillim të shkurtit. Gjithmonë e preferojmë Brezovicën, që ka kushte ideale dhe ka mjaft borë aktualisht, që të skijojmë dhe të mbushem edhe kondicion.
Çdo vikend jemi në skijim, sepse e vlerësojmë si shumë të rëndësishëm që të mbajmë edhe formën”, thonë njëzëri ish hedbollistet, aktualisht drejtojnë Kastriotin, që përfundoi në vend të katërt me 13 pikë të mbledhura gjatë vjeshtës.