Skiatorja italiane, Sofia Goggia, shënoi fitore në disiplinën e lëshimit në Kupën e Botës, e cila u mbajt në Crans - Montana të Zvicrës. Goggia zuri vendin e parë me kohë të kaluar për 1:29,77 minuta, duke lënë pas vetes zviceranet Joana Hahlen dhe Lara Gut Behrami. Hahlen zuri vendin e dytë me kohë më të dobët për 36 qindtat se vendi i parë dhe me kohë më të mirë për 10 qindtat se Behrami që renditet në pozitën e tretë. Në renditjen e përgjithshme të Kupës së Botës, Shiffrin udhëheq me 1.794 pikë, duke lënë pas Vlhovan me 1.075 e Holdener me 783, ndërsa në lëshim Schmidhofer i prinë renditjes me 414 pikë, e ndjekur nga Siebenhofer 354 e Stuhec 343.
Rezultatet
1. Sofia Goggia (Italia) 1:29,77
2. Joana Hählen (Zvicra) +0,36
3. Lara Gut Behrami (Zvicra) 0,46
4 Nicole Schmidhofer (Austria) 0,52
5 Corinne Suter (Zvicra) 0,59
6. Stephanie Venier (Austria) 0,68
7. Jasmine Flury (Zvicra) 0,71
8. Federica Brignone (Italia) 0,78
9. Nadia Fanchini (Italia) 0,83
10. Romane Miradoli (Franca) 1,04
