Skiatoret italiane dominojnë në disiplinën e sllallomit të madh në Kupën e Botës, që u mbajt në Killington të Shteteve të Bashkuara të Amerikës.
Skiatorja italiane Marta Bassino zuri vendin e parë me kohë të kaluar për 1:38.19 minutë, duke e lënë pas vetes për 26 qindtat bashkëkombësen Federica Brignone. Kampionia në fuqi e botës, amerikania Mikaela Shiffrin me pak fat sportiv do të arrinte edhe më shumë.
Megjithatë Shiffrin arriti në podium përkatësisht me 29 qindtat e kohës me të dobët se fituesja e garës apo për dy qindtat e sekondës e la pas zviceranen Michelle Gisin.
Në renditjen e sllallomit të madh, Shiffrin prinë me 140 pikë, ka 15 më shumë se pozita e dytë Brignone dhe 18 se Bassino, ndërsa në renditjen e përgjithshme të Kupës së Botës skiatorja amerikane udhëheq me 240 pikë, pasojnë Wendy Holdener 128, Federica Brignone 125 pikë etj.
Rezultatet
1. Marta Bassino (Italia) 1:38.19
2. Federica Brignone (Italia) +0.26
3. Mikaela Shiffrin (SHBA) +0.29
4. Michelle Gisin (Zvicra) +0.31
5. Tessa Worley (Franca) +0.50
6. Petra Vlhova (Sllovakia) +0.65
7. Viktoria Rebensburg (Gjermania) +0.98
8. Wendy Holdener (Zvicra) +1.12
9. Mina Holtmann (Norvegjia) +1.32
10. Meta Hrovat (Sllovenia) +1.34
