Skiatori italian Dominik Paris fiton në disiplinën e lëshimit në Kupën e Botës, që u mbajt në Qendrën e Skive në Bormio të Italisë. Kjo garë ishte paraparë që të mbahet javën e kaluar në Val Gardena por qe anuluar për shkak të motit të keq. Paris triumfoi me kohë të kaluar për 1:49.56 minuta, duke e lënë pas për 39 qindtat e sekondës zviceranin Beat Feuz dhe për 42 të qindtat e sekondës austriakun Matthias Mayer.
Norvegjezi Aleksander Aamodt Kilde renditet në pozitën e katërt me kohë më të dobët për një sekondë e 3 qindtat se vendi i parë por me kohë më të mirë për 10 qindtat se pozita e pestë Maxence Muzaton (Franca).
Është interesant se amerikani Travis Ganong nuk arriti më shumë se në pozitën e tetë dhe me një kohë shumë më të dobët se fituesi i garës, për 1 sekondë e 48 qindtat apo ishte më i mirë për 4 qindtat se gjermani Thomas Dressen, që u renditet në vend të nëntë.
Në renditjen e përgjithshme të Kupës së Botës Kristoffersen prinë me 379 pikë, pasojnë Paris 349, Kilde 344 pikë etj. ndërsa në lëshim Feuz udhëheq me 240 pikë, i përcjell nga Paris me 204, Dressen 141, Clarey 126, Kriechmayr 116, KIlde 108, Mayer 105, Janka 83 pikë etj.
Rezultatet
1. Dominik Paris (Italia) 1:49.56
2. Beat Feuz (Zvicra) +0.39
3. Matthias Mayer (Austria) +0.42
4. Aleksander Aamodt Kilde (Norvegjia) +1.03
5. Maxence Muzaton (Franca) +1.13
6. Matthieu Bailet (Franca) +1.23
7. Brice Roger (Franca) +1.37
8. Travis Ganong (SHBA) +1.48
9. Thomas Dressen (Gjermania) +1.52
10. Johan Clarey (Franca) +1.55
