Norvegjezi Kjetil Jansrud shënon fitore të rëndësishme në disiplinën e supersllallomit të madh të Kupës së Botës, që u mbajt në Qendrën e Skive në Kitzbuehel të Austrisë.
Jansrud triumfoi në një garë dramatike, duke pasur kohën për 1:14,61 minuta apo për 16 qindtat më të mirë se pozita e dytë, bashkëkombësi i tij Aleksander Kilde dhe austriaku Mathias Mayer.
Kilde dhe Mayer përfunduan me të njëjtën kohë dhe lanë pas zviceranin Caviezel. Mauro Caviezel renditet në vend të katërt me 49 qindtat e kohës më të dobët se pozita e parë.
Në renditjen e përgjithshme të Kupës Botës, Kristoffersen prinë me 691 pikë, pasojnë Kilde 671, Pinturault 642, Mayer 592, Paris 556 pikë etj. Në disiplinën e supersllallomit të madh Mayer udhëheq me 264 pikë, i ndjekur nga Kriechmayr 236, Jansrud 236, Kilde 236, Caviezel 205 pikë etj.
Rezultatet
1. Kjetil Jansrud (Norvegjia) 1:14,61
2. Aleksander Kilde (Norvegjia) +0,16
2 . Mathias Mayer (Austria) +16
4. Mauro Caviezel (Zvicra) +0,49
5. Mattia Casse (Italia) +0,53
6. Vincent Kriechmayr (Austria) +0,79
7. Beat Feuz (Zvicra) +0,86
8. Andreas Sander (Gjermania) +0,99
9. Alexis Pinturault (Franca) +1,14
10. Travis Ganong (SHBA) +1,15