Bashkëshortja e futbollistit të mirënjohur nga Kosova, Valon Behrami, Lara Gut-Behrami, fiton garën në disiplinën e lëshimit të Kupës së Botës, që u mbajt në Qendrën e Skive në Crans Montana të Zvicrës. Skiatorja Gut-Behrami tregoi rrëshqitje më të përsosur se rivalet tjera dhe zuri vendin e parë me kohë të kaluar për 1:27.11 minuta.
Gut-Behrami ka qenë më e shpejt për 80 qindtat se pozita e dytë, bashkëkombësja Corinne Suter. Stephanie Venier nga Austria ka bërë paraqitje të mirë, duke përfunduar në vend të tretë me kohë më të dobët për 1 sekondë e 8 qindtat se pozita e parë dhe për 16 qindtat e la pas sllovaken Petra Vlhova.
Dy skiatore përfunduan në pozitën e shtatë me kohë të njëjtë, suedezja Joana Hählen e italianja Federica Brignone. Në top 10-she ka përfunduar skiatorja nga Italia, Elena Curtoni, por me një kohë më të dobët për një sekondë e 37 qindtat se fituesja e kësaj gare. Në lëshim Suter prinë me 397 pikë, pasojnë Ledecka 277, Brignone 270 pikë etj.
Luftë e ashpër po zhvillohet mes tri skiatoreve për titullin e kampiones së botës. Skiatorja amerikane Mikaela Shiffrin udhëheq me 1225 pikë në renditjen e përgjithshme të Kupës së Botës, e ndjekur nga Brignone 1148 e Vlhova 1121 pikë etj.
Rezultatet
1. Lara Gut-Behrami (Zvicra) 1:27.11
2. Corinne Suter (Zvicra) +0.80
3. Stephanie Venier (Austria) +0.92
4. Petra Vlhova (Sllovakia) +1.08
5. Breezy Johnson (SHBA) +1.26
6. Nina Ortlieb (Austria) +1,32
7. Joana Hählen (Suedia) +1,35
7. Federica Brignone (Italia) +1,35
9 Marta Bassino (Italia) +1,36
10. Elena Curtoni (Italia) +1,37