Të enjten (me 4 janar) që e lamë pas, kampioni në fuqi i botës, Marcel Hirscher, triumfoi në disiplinën e sllallomit që u mbajt në Slejm të Zaagrebit, kurse të shtunën (me 6 janar) ngadhënjeu në sllallomin e madh dhe sot në sllallom, këto garat e fundit u mbajtën në Adelboden të Zvicrës. Hirscher regjistroi fitoren e 52 në karrierën e tij.
Një sukses i madh i Hirscherit dhe vazhdon rrugën drejt titullit të pestë në botë! Austriaku zuri vendin e parë me kohë të kaluar për 1:50.94 minuta, por me kohën më të mirë për 13 qindtat se bashkëkombëasi i tij, Michael Matt. Në vend të tretë u rendit norvegjezi Henrik Kristoffersen, me kohë më të ngadalshme për 16 qindtat se fituesi i garës.
Skiatori suedez Andre Myhrer renditet në pozitën e katërt për 78 qindtat nga vendi i parë, por kishte kohën më të mirë për pesë qindtat se francezi Alexis Pinturault. Në renditjen e përgjithshme të Kupës së Botës, Hirscher udhëheq me 874 pikë, pasojnë: Kristoffersen (720), Pinturault (547), Jansrud (480), Svindal (454) etj. kurse në sllallom kryeson me 454 pikë, i ndjekur nga Kristoffersen (355), Matt (308), Myhrer (263) etj.
Rezultatet
1. Marcel Hirscher (AUT) 1:50.94
2. Michael Matt (Austria) 0.13
3. Henrik Kristoffersen (Norvegjia) 0.16
4. André Myhrer (Suedia) 0.78
5. Alexis Pinturault (Franca) 0.83
6. Stefano Gross (Italia) 1.43
7. Sebastian Foss-Solevaag (Norvegjia) 1.55
8. Loïc Meillard (Zvicra) 1.56
9. Christian Hirschbühl (Austria) 1.64
10. Linus Strasser (Gjermania) 1.72