Skiatorja italiane, Federica Brignone, ka qenë më e mira në disiplinën e sllallomit të madh të Kupës së Botës, që u zhvillua në Qendrën e Skive në Killington të Shteteve të Bashkuara të Amerikës. Brignone zuri vendin e parë me kohë të kaluar për 1:51,33 minuta, duke qenë më e shpejt për 49 qindtat se norvegjezja Ragnhild Mowinckel.
Austriakja Stephanie Brunner renditet në pozitën e tretë me 78 qindtat e kohës më të dobët se fituesja e garës, kurse amerikania Mikaela Shiffrin nuk arriti më shumë se në vend të katërt dhe me kohë më të dobët për 12 qindtat se Brunner. Në renditjen e përgjithshme të Kupës së Botës, Shiffrin prinë me 210 pikë, pasojnë Brignone (180), Worley (145) etj. ndërsa Brignone kryeson me 180 pikë në disiplinën e sllallomit të madh, e ndjekur nga Worley (145) dhe Mowinckel (125).
Rezultatet
1. Federica Brignone (Italia) 1:51,33
2. Ragnhild Mowinckel (Norvegjia) +0.49
3. Stephanie Brunner (Austria) +0.78
4. Mikaela Shiffrin (SHBA) +0.99
5. Tessa Worley (Franca) +01,01
6. Wendy Holdener (Zvicra) +01,31
7. Petra Vlhova (Sllovakia) +01,33
8. Anna Veith (Austria) +01,36
9. Katharina Liensberger (Austria) +01,60
10. Frida Hansdotter (Suedia) +02,10