Skiatori i mirënjohur norvegjez, Kjetil Jansrud, e kishte përshëndetur yllin nga Kosova, Xherdan Shaqiri, para se të nisej për në Qendrën e Skive në Beaver Creek të Shteteve të Bashkuara të Amerikës, ku do të mbahen edhe garat me 1 dhe 2 dhjetor. Të dielën e kaluar, 33-vjeçari shënoi fitoren e 22-të në Kupën e Botës.
Kampioni olimpik në Super-G është tifoz i zjarrtë i Liverpoolit dhe çudit me një deklaratë për Shaqirin e Liverpoolit. "Kur Reds janë duke luajtur, unë jam pothuajse nervoz sikur të jem në një ndeshje të rëndësishme vetë" thotë mes të tjera ai.
Shaqiri në veprim
Skiatori nga rajoni i Lilehamer, pavarësisht humbjes së fundit të Liverpoolit në Champions League, nga PSG me rezultat 2:1, është shumë i impresionuar nga mënyra se si Xherdan Shaqiri ka ndikuar në lojën e të kuqve: “Shaqiri ka sjell diçka që i ka munguar Liverpoolit në mesfushë deri më tani. Ai ka shpejtësi dhe teknikë shumë të mirë në lojë”, tha mes të tjera Jansrud.
