Skiatori i Zvicrës, Beat Feuz, shkëlqeu në disiplinën e lëshimit që u zhvillua në Beaver Creek të Shteteve të Bashkuara të Amerikës. Garë e fortë deri në pikën e fundit, një diferencë e ngushtë mes vendit të parë dhe të dytë përkatësisht të tretë. Feuz triumfoi me kohë të kaluar për 1:13.59 minutë, duke lënë për shtatë qindtat pas vetes bashkëkombësin Mauro Caviezel dhe për tetë të qindtat norvegjezin Aksel Lund Svindal. Feuz deri me tash ka shënuar 8 fitore në lëshim dhe 11 gjithsej në përgjithësi. Feuz udhëheq me 140 pikë në lëshim, 20 më shumë se austriaku Max Franz. Në renditjen e përgjithshme të Kupës së Botës, austriaku Vincent Kriechmayr kryeson me 175 pikë, 9 më shumë se Feuz.
Rezultatet
1. Beat Feuz (Zvicra) 1:13.59
2. Mauro Caviezel (Zvicra) +0.07
3. Aksel Lund Svindal (Norvegjia) +0.08
4. Adrien Theaux (Franca) +0.21
5. Johan Clarey (Franca) +0.26
5. Vincent Kriechmayr (Austria) +0.26
7. Hannes Reichelt (Austria) +0.45
8. Christian Walder (Austria) +0.54
9. Steven Nyman (SHBA) +0.56
9. Bryce Bennett (SHBA) +0.56