Skiatori nga Gjermania, Stefan Luitz, bëri senzacion, duke shënuar fitore në disiplinën e sllallomit të madh të Kupës së Botës, që u mbajt në Beaver Creek të Shteteve të Bashkuara të Amerikës. Luitz ka treguar shkathtësi si në rrëshqitjen e parë po ashtu edhe në të dytën dhe zuri vendin e parë me kohë të kaluar për 2:36.38 minuta.
Fitore e madhe për gjermanin dhe e para për edicionin e sivjetshëm, duke befasuar të gjithë të pranishimit. Ai ka lënë pas vetes për 14 qindtat kampionin në fuqi të botës, austriakun Marcel Hirscher.
Austriaku u përpoq me të gjitha mundësitë por dot që të arrij i pari në cak, pasi që gjermani e kishte ditën e tij dhe befasoi të gjithë. Në pozitën e tretë është Thomas Tumler nga Zvicra. Tumler ngeci për 51 qindtat nga vendi i parë por pati kohën për 16 qindtat më të mirë se norvegjezi Henrik Kristoffersen, i cili zuri pozitën e katërt. Interesant ka qenë se dy skiatorë përfunduan me të njëjtën kohë dhe zunë vendin e tetë. Fjala është për italianin Riccardo Tonetti dhe amerikanin Ted Ligety, të cilët patën kohën më të dobët për një sekondë e 10 qindtat se vendi i parë. Në renditjen e përgjithshme, austriaku Franz prinë me 238 pikë, pasojnë Cavielzel (227), Kriechmayr (211) etj.
Rezultatet:
1. Stefan Luitz (Gjermania) 2:36.38
2. Marcel Hirscher (Austria) +0.14
3. Thomas Tumler (Zvicra +0.51
4. Henrik Kristoffersen (Norvegjia) +0.67
5. Loic Meillard (Zvicra) +0.84
6. Matts Olsson (Suedia)+0.90
7. Mathieu Faivre (Franca)+0.91
8. Riccardo Tonetti (Italia)+1.10
8. Ted Ligety(SHBA)+1.10
10. Victor Muffat (Franca) +1.12
