Zan Kranjec befason të gjithë, fiton garën në disiplinën e sllallomit të madh, që u mbajt në Qendrën e Skive në Saalbach-Hinterglemm të Austrisë. Skiatori slloven rrëshqiti jashtëzakonisht mirë, sidomos në rrëshqitjen e dytë, duke fituar garën për 2:50,08 minuta dhe me kohën me të shpejt për 19 qindtat se vendi i dytë, zvicerani Loic Meillard.
Ndërkaq, francezi Mathieu Faivre zuri vendin e tretë me kohë më të dobët për 50 qindtat se Kranjec dhe për 8 qindtat ka qenë më i shpejt se pozita e katërt. Kampioni në fuqi i botës, Marcel Hirscher, nuk e kishte ditën e tij, përfundoi në vend të gjashtë dhe mbetet për 77 qindtat e sekondës nga vendi i parë dhe për 6 qindtat më i mirë se Alexis Pinturault i Francës , që renditet në pozitën e shtatë. Në renditjen e sllallomit të madh, Hirscher prinë me 420 pikë, i ndjekur nga Pinturault (224), Kristoffersen (212), Meillard (211) etj. Në renditjen e përgjithshme të Kupës së Botës, Hirscher me 520 pikë, përcillet nga Franz (341), Svindal (333), Kilde (303) etj.
Rezultatet
1. Zan Kranjec (Sllovenia) 2:50,08
2. Loic Meillard (Zvicra) +00,19
3. Mathieu Faivre (Franca) +00,50
4. Stefan Luitz (Gjermania) +00,58
5. Thomas Fanara (Franca) +00,72
6. Marcel Hirscher (Austria) +00,77
7. Alexis Pinturault (Franca) +00,83
8. Henrik Kristoffersen (Norvegjia) +00,88
9. Luca de Aliprandini (Italia) +01,48
10. Leif Haugen (Norvegjia) +01,86