Sot, kryetari i Komunës së Klinës, prof. dr. Zenun Elezaj, ka pritur në takim humanistin, Halil Kastratin dhe përfaqësues nga Shoqata Bamirëse “Jetimat e Ballkanit”.
Me këtë rast, kryetari Elezaj, me qëllim të krijimit të kushteve sa më të mira për familjet në nevojë, ka nënshkruar një Marrëveshje Bashkëpunimi dhe Bashkëfinancimi me Shoqatën “Jetimat e Ballkanit”, për ndërtimin e 6 shtëpive të reja në Komunën e Klinës, për familjet me kushte të renda ekonomike, që jetojnë në kushte shumë të vështira të banimit.
Vlera e projektit është 105 mijë euro, ndërsa Komuna e Klinës do të participojë me 30 000 euro. Ky projekt do të përfundojë brenda vitit 2019.
