‘Dyert e ferrit’ digjen që 50 vjet

Speciale

‘Dyert e ferrit’ digjen që 50 vjet

Më: 3 mars 2019 Në ora: 22:14

Në zemër të shkretëtirës Karakum pranë fshatit Darvaz, rreth 260 kilometra nga kryeqyteti i Turkmenistanit, djeg "zjarri i përjetshëm". Për dekada me radhë, ky vend tërheq turistë nga e gjithë bota që vizitojnë një nga vendet më të tmerrshme në planet.

Bëhet fjalë për një krater të gazit natyror me një diametër prej 69 metrash dhe një thellësi rreth 30 metrash. Vendi i këtij gazi natyror u zbulua nga shkencëtarët sovjetikë në vitin 1971 derisa ishin në kërkim të naftës.

Ata nuk e dinin atëherë se ishte një vend i pasur me gaz natyror. Kur ata filluan të shponin tokën, një krater i madh u hap dhe mori me vete gjithë çfarë pati në sipërfaqe.

Jo vetëm që ‘Porta e Ferrit” gëlltiti të gjitha pajisjet e tyre, por gazi u derdh gjithashtu në krater. Bëhej fjalë për një sasi të madhe metani, i cili nuk është shumë toksik, por e bën të vështirë frymëmarrjen.

Kjo ishte një katastrofë për mjedisin dhe shkaktoi vdekje në mesin e njerëzve në fshatrat e afërta, si dhe çoi në shkatërrimin e kafshëve të egra.

Shkencëtarët patën frikë se rrjedhja e gazit mund të shkaktojë një katastrofë shumë më të madhe, duke pasur parasysh mundësinë e madhe të ndezjes, kështu që ata vendosën ta eliminojnë këtë mundësi, duke i vënë flakën kraterit me një procedurë standarde të ashtuquajtur ndezje e kontrolluar, një praktikë që përdoret në vendet e pasura me gaz natyror.

Ata menduan se me këtë mënyrë do të eliminonin rrezikun e krijuar, por edhe gati pas gjysmë dekade krateri Darvaz vazhdon të digjet për shkak të sasisë së madhe të gazit. 

Në vitin 2010, presidenti i Turkmenistanit Gurbanguly Berdimuhamedov vizitoi vendin dhe urdhëroi gjeologët dhe ekspertët të gjejnë mënyrën për ndalimin e zjarrit, për shkak të frikës se ai do ta bëjë të pamundur gërmimin e rezervave tjera natyrore në rajon.

“Porta e ferrit” tërheq qindra turistë dhe rrezikon kafshët të bien në të. Vendorët tregojnë për merimangat që bien në gropë, të verbuara nga flakët.

Pavarësisht pamjes së keqe dhe nofkës, ky krater i gazit është në të vërtetë një vend shumë interesant.

Kontrasti i qiellit të ndritshëm dhe flluska e zjarrtë e bën dritaren gjithë joreale dhe të përsosur për fotot pa frymë. Është një lokacion që ju nuk duhet të humbisni nëse gjeni veten në shkretëtirën Karakum në Turkmenistan.

commentFirst article
Më të lexuarat
Sot mund të lexoni Shfletoni kopertinat