Ramón Calderón, ka thënë për “beIN Sport” se Mourinho do të marrë drejtimin e Real Madridit 90% javën e ardhshme, sipas të cilit “ishte i vetmi opsion sepse Zidane ka thënë jo”.
Të gjithë tashmë e dinë se Santiago Solari i ka ditët e numëruara në stolin e Real Madridit. Mbetet të kuptohet vetëm se kur dhe kush do ta zëvendësojë atë, shkruan AS.
Ramón Calderón, që ka qenë president i Madridit në vitet 2006 dhe 2009, ka dhënë përgjigjen e pyetjes së vazhdueshme në ditët e fundit.
Sipas tij, është Mourinho ai që do të ulet në stolin e Madridit, sepse Zinedine Zidane nuk mendon se është momenti i duhur për t’u rikthyer në “Santiago Bernabeu”.
“Mendoj se Mourinho do të kthehet në Madrid 90%. Nuk e di nëse do të jetë këtu të hënën”, deklaroi ai.
Ish-presidenti, tha se Florentino Pérez e ka thirrur Zinedine Zidane menjëherë pas eliminimit nga Champions League, por u refuzua: "Madrid e telefonoi Zidanen, por ai tha jo, nuk është koha e duhur për t’u kthyer në klub”.
Lexo më shumë në: https://www.gazetaexpress.com/sport/mourinho-do-te-vije-ne-madrid-kete-jave-zidane-ka-thene-jo-633974/?utm_source=referral&utm_medium=web&utm_campaign=copyright