Boksieri shqiptar i ka marrë dhuratë një palë këpucë mjaft speciale, njërën me flamurin kombëtar shqiptar dhe tjetrën me atë të Kosovës
Haxhi Krasniqi është duke ushtruar intensivisht për sfidat e ardhshme.
Por, ndërkohë boksieri shqiptar e ka marrë një dhuratë speciale nga një mik i tij.
Junikasi e ka postuar një fotografi në Instastory ku shihet së bashku me mikun e tij, të cilin e falënderon për dhuratën që ia bëri.
Në fakt, kampioni aktual i Evropës në boksin profesionist i ka pranuar një palë këpucë sportive, ku në njërën prej tyre shihet flamuri kombëtar shqiptar dhe në tjetrën flamuri shtetëror i Kosovës.
Krasniqi sivjet synon ta bëjë ëndrrën realitet për ta fituar titullin e kampionit të botës.
Krasniqi konsiderohet si boksieri më i mirë shqiptar i momentit pas sukseseve të njëpasnjëshme.