Karateistja e talentuar e KK Kastriotit nga Ferizaj, Denisa Shabani dhe anëtare e kombëtares së Kosovës, shprehet krenare që ka fituar medaljen e artë në Kupën Botërore për të rinjtë e të reja, që po mbahet në Umag të Kroacisë.
“Medalja e Artë e Kupës Botërore, një ëndërr e shumëpritur të cilën arrita të realizoj në Umag të Kroacisë.
Së pari falënderoj Zotin dhe Familjen time që më përkrahin dhe më qëndrojnë gjithmonë afër.
Po ashtu falënderoj edhe trajnerët e mi për mbështetjen dhe punën e tyre të palodhshme .
Pastaj në veçanti dua ta falënderoj axhën Ylli Shamolli me familjen e tij për përkrahjen e tij të parezervë, i cili mundësoj udhëtimin tim për në Kroaci”, shkruan Denisa.