Gjithçka është e qartë, përfundon mandatin Bordi i Shoqatës së Gazetarëve Sportiv të Kosovës, më 27 shtator mbahet Kuvendi Zgjedhor dhe i Punës.
Bëhet e ditur se, mes pikave që do të diskutohet është edhe aprovimi i procesverbalit nga mbledhja e Kuvendit të punës 20. 12. 2017.
Raporti i punës së SHGSK-së për periudhën 2015-2016-2017/ 2018-2019, Raporti Financiar 2015-2016-2017/ 2018-2019 dhe ndryshimi i Statutit, plotësimi dhe modifikimi. Kush do të kandidatojë për kryetar të ri?
"Mandati 4 vjeçar i Bordit aktual të Shoqatës së Gazetarëve Sportivë të Kosovës ka përfunduar.
Me këtë rast, SHGSK-ja do të mbajë Kuvendin Zgjedhor dhe atë të Punës më 27 shtator në orën 11:00 në Shtëpinë e Sporteve në Prishtinë.
Kryetari i deritanishëm Arlind Grantolli dhe sekretari Arlind Sadiku kanë vendosur që të mos rikandidojnë për mandatin e ardhshëm. Megjithatë, Bordi ka vendosur që të nominoj Edmond Thaçin për kryetar të SHGSK-së.
Gara për të parin e Shoqatës është e hapur për të gjithë, andaj personat që dëshirojnë të kandidojnë për këtë post duhet ta bëjnë publike më herët apo ta propozojnë këtë në Kuvend", thuhet nga shoqata.