Në hollin e hotelit “Aleksandër Palace” në Shkup, sportisti i shekullit 20 në Maqedoninë e Veriut, kampioni olimpik, Shaban Tërstena ka ndarë “Pesë oskarët e artë olimpik” për këtë vit.
Ai në mënyrë tradicionale ndanë mirënjohje për personalitete që kanë qenë të rëndësishme në karrierën e tij të shkëlqyer.
Këtë vit shpërblimet shkuan në duart e Gjorgji Kuzmanovskit, kryetar i Lidhjes së Sporteve të Shkupit, Anton Sereci, ishgazetar sportiv në Radio Shkupi, Miroslav Naumovski, ish-redaktor përgjegjës në magazinën e vetme sportive “Skok”, Migena Gorena, kryeredaktore në MTV2 dhe Vanco Cifliganec, ish-president i Federatës së sporteve luftarake të Maqedonisë.
Në ceremoninë organziuar kanë marrë pjesë personalitete të shumta sportive.
Pas përfundimit të ceremonisë, Tërstena kishte përgatitur një koktej rasti për të pranishm.