Kudo e respektueshme dhe një sportiste e dalluar është Diana, vajza e legjendës së futbollit të Kosovës, Ardian Kozniku.
Nuk ka më shumë se 24 vite por është shumë e angazhuar në sport, sidomos në futboll. Ajo nuk ka lindur në Gjakovë por në qytetin e Cannes të Francës, kur Kozniku luante për FC Cannes.
Diana ka qenë sportiste në trampolinë, kërcyese në ujë 3 metra, 5 metra, 7 metra dhe 10 m. kampione e shumëfishtë në Kroaci dhe e 10-ta në Evropë.
Diana aktualisht punon në kombëtaren e futbollit të Kroacisë për femra U-19 dhe në Biotrening në Zagreb.
“Është vajza e dytë e imja, e para është Teuta e lindur në Split (Kroaci), ndërsa shoqja ime është Allmira nga Prizreni”, tregon Kozniku për gazetën kombëtare “Bota sot”.
“Diana është specialiste e përgatitjes fizike në kif 5-vjeçar, më e reja deri me tash.
Allmira, Diana e Ardian Kozniku
Ajo ka punuar edhe me kombëtaren e Kroacisë U-18 në basketboll, tani punon me Kroacinë U-18 në futboll dhe me ekipin NK Rudesh kur kanë hy në ligën e parë dhe e kanë fituar Kupën me trajnerin Igor Bishqan”, tha Kozniku.
Kozniku është krenar me vajzën e tij për punën profesionale dhe për respektin e vlerësimin që i bëhet nga kroatët.
Medaljet e Dianës.
