Me 30 maj të vitit 1998, mijëra sportistë me pankarta, me mesazhe të qarta iu drejtuan të gjitha federatave ndërkombëtare, Komitetit Olimpik Ndërkombëtar, për barbarinë serbe ndaj sportistëve dhe popullit shqiptar të Kosovës.
Fotografitë janë bërë nga gazetari i mirënjohur Gani Kosumi, fotografi sa një mijë fjalë!
Fotografi që sjellin emocione por edhe krenari, sesi këta burra e me mijëra sportistë luftuan regjimin kriminal serb.
Në fotografi shihen sportistët, si Ejup Maxhera, Maliq Lushaku, Hajrush Demaj, Isa Govori, Ismajl Kasumi, Açif Shehu, Besim Hasani, Belul Beqaj, Ibrahim Delibazhzade etj.
KB Universiteti 1998
“Sportistë dhe drejtuesit e sportit të Kosovës-Protestat. Prishtinë, 30 maj 1998”, shkruan Gani Kosumi.
Një fakt, të gjitha stadiumet dhe palestrat sportive ishin të uzurpuar nga okupatori serb. Sportistët tanë luanin në livadhe e fusha të improvizuar, të përndjekur, të rrahur, të arrestuare e të burgosur por kurrë nuk u ndalën, luftuan deri në pikën e fundit.