Kosova ka regjistruar një sukses madhor në sportin e shahut.
Sportistët kosovarë janë renditur në vendin e tretë në kategorinë “Bullet” në kuadër të turneut mesdhetar, i cili po mbahet në Turqi.
Vendin e parë e zuri Turqia me 3310 pikë, kurse vendin e dytë Greqia me 2991 pikë.
Vendi i tretë i takoi Kosovës me 2950.
Garuesit tjerë që morën pjesë në këtë turne ishin nga Shqipëria, Mali i Zi, Maqedonia e Veriut, Siria, Algjeria dhe Libani.
Ndryshe, turneu në fjalë ishte në kuadër të projektit “Checkmate Coronavirus”.
