Jeta është përplot sfida dhe të papritura. Të shtunën e 25 korrikut vdes sportisti i njohur i Kosovës, ish portieri i hendbollit dhe trajneri i KH Vjosa nga Shtimja, Afrim Qorrolli.
Afrimi humbi betejën me Covid 19.
Tre ditë më vonë, të martën (dje) e 28 korrikut vdes edhe nëna e Afrimit! Dhimbje e madhe në familjen Qorrolli e më gjerë, të cilët janë nga Rashinca e Shtimes!
“Nëna e Afrimi nuk ka qenë e infektuar nga Covid 19, por ka pasur probleme tjera shëndetësore tash e një kohë”, ka bërë të ditur një mik i shtëpisë së tyre.
“Miq, shokë, familjar e dashamirë, ju njoftojmë se edhe gjyshja jonë iu bashkua djalit më të mirë të saj, që kurrë nuk deshti me e lanë vet!
Shkoi Ai i pari dhe po e pret atje në qiell!
U prefsh në paqe, e ëmbla jonë!”, ka shkruar Vjosa Bilalli në profilin e saj në facebook.
Duhet theksuar se familja Qorrolli janë familje sportistësh, pasi që djali i Afrimit, Kastrioti, është futbollist i 2 Korrikut të Prishtinës.