Aktori me origjinë shqiptare, Can Yaman është padyshim një ndër aktorët më të suksesshëm në Turqi.
Aktualisht ai luan në serialin e ri “Bay Yanlis”, krah aktores Ozge Gurel. Së fundmi, Can ka publikuar një video nga seriali dhe ka marrë komente të shumta. Mirëpo, një koment i bërë nga moderatorja sportive Eva Murati ka tërhequr vëmendjen e fansave shqiptarë.
Eva i ka komentuar dy emoji, duke lënë të kuptohet se e ndjek “Bay Yanlis” dhe mendon që është “zjarr”.
Aktori i është përgjigjur moderatores, duke i replikuar po ashtu me dy emoji, si për t’i thënë: “Faleminderit yll!” Nuk dihet nëse dyshja njihen apo kthimi i komentit ka qenë i rastësishëm, pasi Cani nuk e ndjek në rrjete sociale.
