Pas pushimeve verore, disa prej top kampionateve më të forta në botë janë rikthyer me edicionin e ri 2021/22.
Premierliga, Liga 1, Bundesliga dhe La Liga do të vazhdojnë me ndeshje interesante këtë fundjavë.
Premierliga angleze nisi dje me ndeshjen Brentford – Arsenal (2:0), derisa në pasditën e sotme, luhen tetë ndeshje tejet interesante.
Në vëmendje janë ndeshjet Man United – Leeds United, Chelsea – Crystal Palace dhe Norwich – Liverpool.
Në Ligën 1, luhen dy ndeshje, derisa vëmendjen e ka PSG-ja, që luan përballë Strasbourgit.
Ndërkohë, në Bundesligën gjermane, Dortmundi përballet me Eintracht Frankfurtit, teksa luhen edhe pesë ndeshje tjera interesante.
Në La Liga luhen katër ndeshje, derisa Real Madridi sonte është mysafir i Alavesit.
