Notarët e kombëtares së Kosovës e filluan dobët Kampionatin Evropian, që po mbahet në Glasgou të Skocisë. “Në ditën e parë të garave në Kampionatin Europian, janë paraqitur notarja jonë Fjorda Shabani në disiplinën 50 metra krol dhe arriti kohën 00:28:16 që është edhe përmirësim i rezultatit personal dhe Dren Ukimeraj që u paraqit në 50 metra shpinë dhe arriti kohën 00.29.78sekonda, kohë më e dobët se koha personale e tij. Në renditjen përfundimtare Fjorda u rendit e 55-ta nga 55 pjesëmarrëse, ndërsa Dreni u rendit i 53 nga po aq pjesëmarrës”, bëhet e ditur nga Federata e Notit e Kosovës.