Ministri i Kulturës, Rinisë dhe Sportit, Kujtim Gashi, ka vizituar sot komunën e Dragashit ku ka nënshkruar dy memorandume me kryetarin e kësaj komune, Shaban Shabani.
Me këtë rast kreu i Dragashit si dhe ministri kanë njoftuar se janë dakorduar për investimin prej 800 mijë euro në total, për ndërtimin e palestrës sportive dhe stadiumit të qytetit që do të nisin në vitin e ardhshëm.
Me këtë rast, Shabani ka thënë se është kënaqësi e veçantë që ka porritur sot delegacionin nga niveli qendror, të cilin e ka falënderuar për mbështetjen e Dragashit.
