Prokurori publik kompetent i Prokurorisë Themelore Publike Strugë lëshoi një urdhër për fillimin e procedurës hetimore ndaj tre personave, shtetas të Shqipërisë, për prodhimin dhe tregtimin e lëndëve narkotike, substancave psikotrope dhe prekursorëve.
“Të dyshuarit dje rreth orës 1:40 janë arrestuar si bashkë autorë të paautorizuar për shitjen e 69 kilogramë drogë – marihuanë. Droga më herët ka qenë e paketuar në qese plastike të zezë dhe u transportua në rrugën kryesore Strugë – Qafë Thanë në afërsi të fshatit Frangovë. Me çka ata u zbuluan dhe u arrestuan nga zyrtarë të autorizuar të Ministrisë së Punëve të Brendshme”, thonë nga PTHP Strugë.
Prokurori kompetent vlerësoi se kishte rrethana që tregonin rrezikun e arratisjes dhe prandaj, përpara një gjyqtari me procedurë paraprake nga Gjykata Themelore e Strugës, u paraqit një kërkesë për përcaktimin e masës së paraburgimit për tre të dyshuarit.
