Në orët e vona të natës një zinxhirë mbeturinash duke filluar nga shishe plastike, qese dhe gjëra tjera u terhoqën nëpërmes qytetit të Strugës duke filluar nga bulevardi i Drinit të zi deri te Çarshia.
Organizatorët e festivalit Drimon që janë iniciatorë të kësaj parade dëshirojnë të shprehin pakënaqësitë e tyre në lidhje me djegjen e deponisë së qytetit të Strugës si dhe t’i ndergjegjësojnë qytetarët se cfarë rreziku u kanoset nëse qëndrojnë të heshtur.
Qytetarët e Strugës më herët kishin organizuar protesta para Komunës së Strugës, por të cilat nuk kanë pasur efektin e duhur, pasi nuk u ndërmor asgjë në lidhje me pastrimin e deponisë.
Ndërsa Qeveria e Maqedonisë një ditë më parë në një seancë qeveritare, solli vendim që deponia në Strugë të zhvendoset. Por deri sot, nuk ka asgjë as edhe nga ky vendim.
