“Dome”, tre mbrëmje me radhë në skenën e Shkodrës - Bota Sot
“Dome”, tre mbrëmje me radhë në skenën e Shkodrës

Teatri

“Dome”, tre mbrëmje me radhë në skenën e Shkodrës

Më: 2 mars 2019 Në ora: 11:32
“Dome”

Monodrama “Dome” erdhi mbrëmjen e djeshme për publikun në skenën e teatrit “Migjeni” në Shkodër. Kjo monodramë e shkruar dhe vënë në skenë nga Stefan Çapaliku erdhi nën interpretimin e aktorit Enver Hyseni.

Ajo që i ka bërë përshtypje autorit gjatë bisedave ka qenë gjithmonë sinqeriteti i thellë me të cilin Enver Hyseni tregonte aspekte të ndryshme të jetës së vet, që rrinin të lidhura ngushtë me epokën, së cilës i përkisnin.

Çapaliku tregon se e i kanë bërë përshtypje gjithashtu edhe thjeshtësia e tregimit e veçanërisht mungesa e mllefeve dhe inateve.

“Si çdo person tjetër edhe aktori Enver Hyseni e ka jetuar kohën e vet. Herë ndër margjina e herë në kryeradhë; e ka jetuar brenda tragjizmit dhe komikes; e ka jetuar në varfëri dhe në lavdi; vetëm dhe me shokë; me mish e me shpirt”,  shprehet autori Stefan Çapaliku.

Në këtë monodramë autori ka dashur të shkruajë e më vonë të ndërtojë një shfaqje të thjeshtë, “shfaqje aktori”, një shfaqje që të ngjasojë si një akt rrëfimi, pse jo edhe kërkimi ndjesë, pardoni, si një gjest që kaq shumë i mungon shoqërisë sonë. Muzika e maestro Haig Zacharian është një ndër elementet gjithashtu të çmuara të kësaj shfaqje që do të jetë në skenë mbrëmjen e sotme dhe nesër për publikun shkrodran.

Enver Hyseni lindi në Shkodër më 1 gusht 1951. Merr mësime aktrimi në Institutin e Lartë të Arteve për një periudhë të shkurtë (1973-1974) dhe i ndërpret studimet për arsye ekonomike. Më 1975 nis punën në Teatrin “Migjeni” të Shkodrës.

Në këtë periudhë dyzetvjeçare luan më se gjashtëdhjetë role në teatër e katër në filma. Punon me regjisorë si Serafin Fanko dhe shquhet për role karakteresh. Zëri tipik dhe plastika e brendshme e bëjnë një aktor krejtësisht të veçantë dhe interesant.

Kjo vepër është shfaqur në disa skena teatrore dhe premierën e shënoi disa kohë më parë për tu rikthyer sërish në teatër.

Image
Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...