Apple pati vit të mrekullueshëm më 2018 duke lansuar disa telefona të rinj e pajisje të tjera teknologjike.
Por kjo mbeti më 2018. Tani kompania, sipas “Business Insider”, po punon në lansimin e shumë pajisjeve dhe në disa softuerë për 2019-n.
Ajo çka duhet të pritet nga Apple më 2019:
AirPower
Apple ka thënë se planifikon të lansojë mbushësin pa kabllo më 2018 kur doli iPhone X, por viti kaloi pa të. Tani më 2019, kompania planifikon të lansojë një version të ri të këtij mbushësi.
Mbështjellësi për rritje të baterisë
Apple po punon në disa produkte si mbështjellës të telefonave që mund të zgjasin jetëgjatësinë e baterisë.
iPhone të rinj
Apple do të lansojë telefona të rinj më 2019. Kjo nuk është konfirmuar nga kompania, por iPhone të rinj janë lansuar çdo vit. Lansimi zakonisht bëhet në shtator.
Ora të reja
Sipas shumë spekulimesh, kompania do të lansojë orë të re, Apple, në shtator.
Mac Pro
Më 2016, kompania paralajmëroi një kompjuter për programerë e profesionistë, ndërsa tani është koha që kjo pajisje të dalë në treg.
Ekran shtesë për Macs
Krahas Mac Pro të ri, Apple do të lansojë një ekran shtesë, që do të quhet “Thunderbolt Display”, i cili u shua më 2016.
MacBook dhe iMac
Pritet edhe rifreskimi i linjës së MacBook-ëve dhe iMac-ëve.
iPad Mini
Në tetor, ishte parashikuar që Apple të sillte një model të ri iPad me ekran të vogël. Kjo pritet të vijë më 2019.
Kufje
Produkti më i ri e më i veçantë që do të vijë pritet të jetë seti i kufjeve të reja.
