Prodhuesit e makinave planifikojnë të rrisin investimet në teknologjinë e makinave elektrike për 300 miliardë dollarë gjatë 10 vjetëve të ardhshme, dhe gati gjysma e kësaj shume do të kanalizohet në Kinë.
Shpenzimet kapitale të pashembullta janë ushqyer kryesisht nga përpjekjet e qeverisë kineze për të reduktuar emetimet e dyoksidit të karbonit.
Kina dhe vendet e tjera vendosin kufizime shtesë për motorët benzinë dhe naftë, kështu që kompanitë kanë përshpejtuar procesin e kalimit në makinat elektrike.
Kështu, një vit më parë, prodhuesit njoftuan se po planifikonin të investonin 90 miliardë dollarë në zhvillimin e automjeteve elektrike.
Ndërkohë, kjo shifër është rritur në 300 miliardë dollarë për të krijuar kushte për prodhimin masiv të automjeteve elektrike në Kinë, Evropë dhe Amerikën e Veriut. Shuma tejkalon vlerën e aktiviteteve ekonomike në Egjipt dhe Kili, thuhet në analizën e Reuters.
Agjencia arriti këtë shifër duke analizuar buxhetin e investimeve dhe prokurimeve publike të njoftuara nga 29 prodhuesit kryesorë të automobilave në botë gjatë dy viteve të fundit, kryesisht nga SHBA, Kina, Japonia, Koreja e Jugut, India, Gjermania dhe Franca.
Analiza nuk përfshin ndonjë investim të lidhur me furnizuesit në industrinë e automobilave, kompanitë e teknologjisë dhe kompanitë e mëdha në sektorë të tjerë, nga energjia përmes aviacionit deri tek elektronika dhe telekomunikacionet, thuhet në raport.
